Ein Cenhadaeth

Cafwyd Deall y Drefn ei sefydlu yn 2024 i sicrhau nad yw mynediad at y proffesiwn cyfreithiol yn dibynnu ar iaith, cefndir na chysylltiadau personol. Er bod y gyfraith yn chwarae rhan ganolog mewn cymdeithas teg, mae’r llwybrau i’r proffesiwn yn aml yn anodd eu llywio - yn enwedig i bobl ifanc heb rwydwaith o gysylltiadau cyfreithiol.

​

I siaradwyr Cymraeg, mae’r her hon yn cael ei dwysau gan brinder o adnoddau drwy gyfrwng y Gymraeg. Mae llawer o wybodaeth allweddol am y Bar a’r broffesiwn gyfreithiol ar gael yn Saesneg yn unig, gan greu rhwystr ychwanegol i’r rhai sy’n dymuno archwilio gyrfa gyfreithiol yn eu mamiaith.

​

Bwriad yr adnodd hwn yw mynd i’r afael â’r anghydraddoldeb hwnnw. Trwy ddarparu gwybodaeth eglur, cywir a hygyrch yn y Gymraeg, mae’r wefan yn ceisio hyrwyddo mynediad teg at y gyfraith a chefnogi amrywiaeth yn y proffesiwn. Credwn fod cynrychiolaeth ehangach yn y Bar a’r broffesiwn gyfreithiol yn hanfodol i sicrhau  system cyfiawnder sy’n adlewyrchu’r gymdeithas y mae’n wasanaethu.